దైవప్రవక్త సల్లల్లాహు అలైహివ సల్లం – పిల్లలకు కారుణ్యమూర్తిచిన్న పిల్లలు కాస్త ప్రత్యేకం. వాళ్ళకు ఓ ప్రత్యేక స్థానం ఉంది.దైవప్రవక్త సల్లల్లాహు అలైహివ సల్లం తన ఆచరణ ద్వారా దీన్ని చాటారు. ఆయన పిల్లలను అమితంగా ప్రేమించేవారు మరియు వారిపై కరుణ చూపేవారు. పిల్లలపై ప్రేమను అనేక రకాలుగా వెల్లడించారు. ఆయనపిల్లలను కౌగిలించుకునేవారు. వారివీపులను తట్టేవారు. వారి తలపై చేయిపెట్టి, జుట్టును తన చేతులతో దువ్వేవారు.
ఖుర్ఆన్“(ఓ ప్రవక్తా!) వారికి చెప్పు : “రండి, మీ ప్రభువు మీపై నిషేధించిన వస్తువులు ఏవో మీకు చదివి వినిపిస్తాను. అవేమంటే; అల్లాహ్‌కు సహవర్తులుగా ఎవరినీ కల్పించకండి. తల్లిదండ్రుల యెడల ఉత్తమరీతిలో మెలగండి. పేదరికపు భయంతో మీ సంతానాన్ని హతమార్చకండి. మేము మీకూ ఆహారం ఇస్తున్నాము, వారికీ ఇస్తాము.” (ఖుర్ఆన్, సూరాఅనామ్ 6:151)
హదీస్దైవప్రవక్త సల్లల్లాహు అలైహివ సల్లం పిల్లలకు ముద్దుపెట్టుకునేవారు మరియు వారిని అమితంగా ప్రేమించేవారు.అబూ హురైరా రజిఅల్లాహుఅన్హు ఉల్లేఖనం: “దైవప్రవక్త సల్లల్లాహు అలైహివ సల్లం అల్ హసన్ బిన్ అలీని ముద్దాడారు. అప్పుడు అల్ అఖ్రా బిన్ హాబిస్ అత్ తమీమ్ అక్కడ కూర్చుని ఉన్నారు. అతనుదైవప్రవక్త సల్లల్లాహు అలైహివ సల్లంతో ఇలా అన్నాడు: “నాకు పది పిల్లలు ఉన్నారు. కాని నేను ఏనాడూ వారిని ముద్దు పెట్టుకోలేదు.” దైవప్రవక్త సల్లల్లాహు అలైహివ సల్లం అతని వైపు చూసి ఇలా అన్నారు, “ఇతరులపై కరుణ చూపని వాడిపై అల్లాహ్ కరుణ చూపడు.” (సహీహ్ బుఖారీ 5997)
పిల్లలను మంచిగా పెంచడంఈ రోజుల్లో మనకుగణాంకాలు,పుస్తకాలు, పరిశోధనల ద్వారా పిల్లలను మంచిగా ఎలా పెంచాలో, ఇట్టే తెలిసిపోతుంది.దైవప్రవక్త సల్లల్లాహు అలైహివ సల్లం బోధించిన ప్రతి విషయం చాలా జ్ఞానంతో కూడినది. ఆయన ఒక చిన్న విషయాన్ని కూడా వదలిపెట్టలేదు. ఆయన మనకు ప్రేమను, ఓర్పును మొదలైన ఎన్నో మంచి గుణాలను నేర్పారు. పిల్లల్ని మంచిగా ఎలా తీర్చిదిద్దాలో ఈ వ్యాసంలో వివరించబడింది.ఒక మంచి ఆరోగ్యకరమైన సమాజాన్ని నిర్మించాలంటే, వీటిలోని మంచి మాటలపై అనుసరించడం తప్పనిసరి.
పిల్లలను అభినందించాలిదైవప్రవక్త సల్లల్లాహు అలైహివ సల్లం పిల్లల ముందు నుంచి ఎప్పుడు వెళ్ళిననూ ఆయనే మొదటగా వారిని ‘అస్సలాము అలైకుమ్’ అని అభినందించేవారు. స్వారీ చేస్తున్నప్పుడు పిల్లలను తనతో పాటు ఒంటెపై, గాడిదపై కూర్చోబెట్టుకునేవారు.(సహీహ్ ముస్లిం 2168)
వారిపై ప్రేమను చూపండిదైవప్రవక్త సల్లల్లాహు అలైహివ సల్లం పిల్లలపై తనకున్న ప్రేమను దాచేవారు కాదు. దాన్ని వెల్లడించేవారు. పిల్లలను తన చేతుల్లో ఎత్తుకునేవారు, వారితో ఆడేవారు, వారిని ముద్దాడేవారు.
వారికి ప్రాధాన్యత ఇవ్వండిపై హదీసు ద్వారా దైవప్రవక్త సల్లల్లాహు అలైహివ సల్లం పిల్లలను ఎంతగా ప్రేమించేవారో తెలిసివస్తుంది. ఈ విధంగా పిల్లలకు వారి ప్రాధాన్యత తెలుస్తుంది.దైవప్రవక్త సల్లల్లాహు అలైహివ సల్లం పిల్లలఇష్టాలకు కూడా ప్రాధాన్యమిచ్చేవారు.
పిల్లలకు అల్లాహ్ తో గట్టి బంధాన్ని ఏర్పరచాలిఅబ్దుల్లా బిన్ అబ్బాస్ ఉల్లేఖనం: ఒకరోజు నేను దైవప్రవక్త సల్లల్లాహు అలైహివ సల్లం వెనుక ఉన్నాను. అప్పుడు ఆయన ఇలా అన్నారు, “ఓ యువకుడా! నేను నీకు కొన్ని మాటలు (హితోపదేశాలు) చెబుతాను.అల్లాహ్ ను స్మరిస్తూ ఉండు, అల్లాహ్నిన్ను రక్షిస్తాడు. అల్లాహ్ ను గుర్తుపెట్టుకో, అల్లాహ్ నీ ముందు ఉంటాడు. ఏదైనా అడగాలంటే, అల్లాహ్ నే అడుగు. ఏదైనా సహాయం కోరితే, అల్లాహ్ నే కోరు. పూర్తి ప్రపంచం కలిసి నీకు ఏదైనా మేలు చేయదలిస్తే, అల్లాహ్ ముందుగా నీకు నిర్ణయించిన మేరకే మేలు చేయగలరు. అలాగే ప్రపంచం మొత్తం కలిసి నీకు ఏదైనా కీడు చేయదలిస్తే, అల్లాహ్ ముందుగా నీకు నిర్ణయించిన మేరకే కీడు కలిగించగలరు. కలములు ఎత్తుకోబడ్డాయి, కాగితాలు పొడిఅయిపోయాయి.” (జామి తిర్మిజి vol 4:2516)
మతం, జాతి, రంగును చూడకుండా పిల్లలను ప్రేమించాలిదైవప్రవక్త సల్లల్లాహు అలైహివ సల్లం ప్రేమకేవలంతనపిల్లలకోలేదామనువళ్ళకోపరిమితంకాలేదు.ఆయన ప్రేమ, కరుణ పిల్లలందరిపై సమానంగా ఉండేది. ఉసామా ఇబ్న్ జైద్ రజిఅల్లాహుఅన్హు ఉల్లేఖించారు:దైవప్రవక్త
పిల్లలతో ఓర్పు వహించాలి, వారి భావాలను కించపరచకూడదుదైవప్రవక్త సల్లల్లాహు అలైహివ సల్లం అందరి భావాలకు విలువనిచ్చేవారు. ఈ హదీసు దీని గురించి క్లుప్తంగా చెబుతుంది. అనస్ ఇబ్న్ మాలిక్ రజిఅల్లాహుఅన్హు ఉల్లేఖనం:దైవప్రవక్త సల్లల్లాహు అలైహివ సల్లం ఇలా అన్నారు: “నేను నమాజ్ మొదలుపెట్టినప్పుడు దీర్ఘంగా చదవాలని అనుకుంటాను. ఎవరైనా పిల్లాడు ఏడ్వడం వినపడగానే, నమాజ్ ను చిన్నదిగా చేస్తాను. ఎందుకంటే, ఆ పిల్లాడి తల్లి మనసు ఎంతగా ఉబలాటపడుతుందో నాకు తెలుసు.” (సహీహ్ బుఖారీ 709)
వారికోసం వారి జీవితాన్ని ఆహ్లాదకరంగా చేయాలిమహమూద్ బిన్ రాది రజిఅల్లాహుఅన్హు ఉల్లేఖించారు:నాకు ఐదు సంవత్సరాలు ఉన్నప్పుడు, నాకు గుర్తుంది,దైవప్రవక్త సల్లల్లాహు అలైహివ సల్లం ఒక బకెట్ లో నుంచి నీళ్ళు తీసి తన నోటిలో ఉంచుకుని, దాన్ని నా ముఖం మీద పుక్కిలించారు.(సహీహ్ బుఖారీ 77)
సరిపోలని ఓర్పుదైవప్రవక్త సల్లల్లాహు అలైహివ సల్లం పిల్లలపై చూపే ఓర్పు సరిపోలనిది. ఈ హదీసు ద్వారా అది నిరూపితమౌతుంది. ఆయిషా రజిఅల్లాహుఅన్హ ఉల్లేఖనం: దైవప్రవక్త సల్లల్లాహు అలైహివ సల్లంఒకపిల్లాడిని తహ్నిక్ (ఒక ఖర్జూర పండును తన నోటిలో నమిలి దాని ద్రవాన్ని ఆ పిల్లాడి నోటిలో వేశారు) కోసం తన ఒడిలోకి తీసుకున్నారు. అప్పుడే ఆ పిల్లాడు మూత్రం పోశాడు.దైవప్రవక్త సల్లల్లాహు అలైహివ సల్లం కొంచెం నీళ్ళు తెప్పించుకొని, వాటిని మూత్రం పోసిన చోట వేశారు.(సహీహ్ బుఖారీ 6002)
పిల్లలు విఫలం అయినచో, వారిని విఫలురు అనుకోకూడదుఅనస్ రజిఅల్లాహుఅన్హు ఉల్లేఖనం: నేనుదైవప్రవక్త సల్లల్లాహు అలైహివ సల్లంకు పది సంవత్సరాలు సేవ చేశాను. ఆయన ఒక్కసారి కూడా ‘ఉఫ్’ (అసహనం చూపుతూ అనే ఎలాంటి పదం) అనలేదు. “ఇలా ఎందుకు చేశావు లేదా ఇలా ఎందుకు చేయలేదు” అనినన్ను ఎన్నడూ నిందించలేదు.(సహీహ్ బుఖారీ, కితాబుల్అదబ్, 6038)
పిల్లల అనుచిత ప్రవర్తనను విస్మరించాలిచిన్న పిల్లల అనుచిత ప్రవర్తనలను చూసీ చూడనట్టు వదిలి పెట్టాలి. ఈ విషయంలో దైవప్రవక్త సల్లల్లాహు అలైహివ సల్లంను ఉదాహరణగా తీసుకోవాలి.
పిల్లలందరినీ సమానంగా చూడాలి దైవప్రవక్త సల్లల్లాహు అలైహివ సల్లం ముస్లింలందరూ తమ పిల్లలను (ఆడ, మగ) సమానంగా చూడాలని ఆదేశించారు. “అల్లాహ్ కు భయపడండి. మీ పిల్లలకు న్యాయం చేయండి.” (సహీహ్ బుఖారీ 2587)
వారు చెప్పే దానిని వినాలిదైవప్రవక్త సల్లల్లాహు అలైహివ సల్లం చిన్న పిల్లలపై శ్రద్ధ చూపేవారు. వారు ఏదైనా చెప్పదలుచుకుంటే దైవప్రవక్త సల్లల్లాహు అలైహివ సల్లం వారి మాటలను చాలా శ్రద్ధగా వినేవారు.
వ్యక్తిత్వాన్ని నిర్మించే విషయంలో రాజిపడకూడదు దైవప్రవక్త సల్లల్లాహు అలైహివ సల్లం పిల్లలపై చూపిన ప్రేమ మరియు వాత్సల్యం కేవలం హావభావాల కోసం కాదు. ఆయన వారి వ్యక్తిత్వాల్ని తీర్చిదిద్దే ప్రయత్నం చేసేవారు. వారిని సమాజానికి ఉపయోగాన్ని చేకూర్చే వారిగా మలిచేవారు.
ఆధారాలు http://www.farhathashmi.com/articles-section/seerah-and-sunnah/prophet-muhammad/ (ఇంగ్లీష్) |
.