అవతరణ ప్రారంభంఖుర్ఆన్ అవతరణ రమజాన్ మాసంలోని లైలతుల్ ఖద్ర్ (ఆఖరి పది రాత్రుల్లోని బేసి సంఖ్య రాత్రులు)లో ప్రారంభమయింది. అప్పుడు దైవప్రవక్త సల్లల్లాహుఅలైహివసల్లం వయసు నలభై సంవత్సరాలు (దాదాపు610 CE).
హదీస్విశ్వాసుల మాతృమూర్తి అయిన ఆయిషా రజిఅల్లాహుఅన్హా ఉల్లేఖనం ప్రకారం : దైవప్రవక్త సల్లల్లాహుఅలైహివసల్లం పై అవతరణ ప్రారంభం (నిజమైన) కలల రూపంలో జరిగింది. ఆ తరువాత ఆయన సల్లాహుఅలైహివసల్లం కు ఏకాంతంలో గడిపే ఇచ్చ కలిగేది. అప్పుడు అయన సల్లల్లాహుఅలైహివసల్లం హిరా గుహలో ఏకాంతంగా అనేక రోజులు కేవలం అల్లాహ్ ఆరాధనలో గడిపేవారు. ఎప్పుడైతే తన పరివారాన్ని చూడాలని అనిపించేదో అప్పుడు ఇంటికి తిరిగి వచ్చేవారు. తనతో పాటు భోజన సామగ్రి కూడా తీసుకెళ్ళేవారు. అది అయిపోయినచో భార్య (ఖదీజా రజిఅల్లాహుఅన్హా) వద్దకు వచ్చి భోజన సామగ్రి తీసుకుని మళ్ళీ వెళ్ళిపోయేవారు. తనపై వహీ (దైవాదేశం) అవతరించేవరకు ఇలా చేసేవారు.
అవతరణ ఎలా జరిగిందివిశ్వాసుల మాతృమూర్తి అయిన ఆయిషా రజిఅల్లాహుఅన్హా ఉల్లేఖనం ప్రకారం: అల్ హరీస్ బిన్ హిషాం దైవప్రవక్త సల్లల్లాహుఅలైహివసల్లంతో ఇలా అడిగారు, ‘ఓ దైవప్రవక్తా! మీపై వహీ (దైవాదేశం) అవతరణ ఎలావచ్చేది?’ దైవప్రవక్త సల్లల్లాహుఅలైహివసల్లం ఇలా జవాబిచ్చారు, ‘ఒక్కోసారి “అవతరణ” గంట మొగినట్లుగా ఉండేది. అది చాలా కఠినంగా అనిపించేది. (వహీ) అవతరణ పూర్తవగానే మామూలు స్థితి తిరిగొచ్చేది. మరోసారి దైవదూత మానవ రూపంలో నా వద్దకు వచ్చి నేను అయన మాటలు గ్రహించేవరకు నాతో మాట్లాడేవారు.’
మొదటి అవతరణదైవప్రవక్త సల్లల్లాహుఅలైహివసల్లంపై అవతరించిన మొదటి అవతరణ సూరా అల్ అలఖ్(96:1-5)లోని మొదటి ఆయత్: ‘చదువు, సృష్టించిన నీ ప్రభువు పేరుతో. ఆయన మనిషిని నెత్తుటి ముద్దతో సృష్టించాడు. నువ్వు చదువుతూ పో. నీ ప్రభువు దయాశీలి. ఆయన కలం ద్వారా (జ్ఞాన)బోధ చేశాడు. ఆయన మనిషికి, అతడు ఎరుగని దానిని నేర్పాడు.’ మొదటి అవతరణ తరువాత కొన్ని రోజుల వరకు అవతరణ ఆగిపోయి మళ్ళీ ప్రారంభమయింది (దానిని ఫత్రా అంటారు).
రెండవ అవతరణదైవప్రవక్త సల్లల్లాహుఅలైహివసల్లంపై అవతరించిన రెండవ అవతరణ సూరా అల్ ముద్దస్సిర్, సూరా నెం 74. ఇందులో 56 ఆయతులు ఉన్నాయి. ఇది ఈ విధంగా మొదలవుతుంది: ‘ఓ దుప్పటి కప్పుకున్నవాడా! లే. (లేచి జనులను) హెచ్చరించు. నీ ప్రభువు గొప్పతనాన్ని చాటిచెప్పు. నీ దుస్తులను పరిశుభ్రంగా ఉంచుకో. అశుద్ధతను వదలిపెట్టు....’
తొలి ఇతర అవతరణలుదైవప్రవక్త సల్లల్లాహుఅలైహివసల్లం ప్రకారం మక్కాలో అవతరించిన తొలి అవతరణలలో సూరా 1, సూరా 111, సూరా 81, సూరా 87, సూరా 89, సూరా 92 మొదలైనవి. ఆ తరువాత అవతరణ కొనసాగింది, ‘ మానవులు ఇస్లాం వైపు మరలే వరకు స్వర్గం నరకం గురించి, ఆ తరువాత “హలాల్” “హరాం” గురించి.....’ (వహీ) అవతరణ దైవప్రవక్త సల్లల్లాహుఅలైహివసల్లం జీవితాంతం మక్కా, మదీనాలలో వస్తూనే ఉంది. అవతరణ దాదాపు 23సంవత్సరాలు వచ్చింది. దైవప్రవక్త సల్లల్లాహుఅలైహివసల్లం మరణానికి కాస్త ముందు అనగా10 హిజ్రీ(632CE) వరకూ అవతరణ వస్తూనే ఉంది.
అంతిమ అవతరణఅనేక విద్వాంసుల ప్రకారం ఖుర్ఆన్ లోని అంతిమ అవతరణ సూరా మాయిదా 5:3– “ఈ రోజు మీ కొరకు మీ ధర్మాన్ని పరిపూర్ణం గావించాను. మీపై నా అనుగ్రహాన్ని పూర్తిచేశాను. ఇంకా, ఇస్లాంను మీ ధర్మంగా సమ్మతించి ఆమోదించాను.”
ఖుర్ఆన్ దశలలో అవతరించడానికి కారణంఖుర్ఆన్ అంచెల వారిగా 23 సంవత్సరాలలో అవతరించింది. ఇది ఒక్కసారిగా ఓ పూర్తి పుస్తక రూపంలో అవతరించలేదు. దీనికి ఎన్నో కారణాలున్నాయి. అందులో కొన్ని:
ఆధారాలుhttp://www.missionislam.com/quran/beginrevelation.htm (ఇంగ్లీష్)
|
.