88. Surah Al-Ghashiyah
88:1 هَلْ أَتَاكَ حَدِيثُ الْغَاشِيَةِ
சூழந்து மூடிக்கொள்வதின் (கியாம நாளின்) செய்தி உமக்கு வந்ததா?
88:2 وُجُوهٌ يَوْمَئِذٍ خَاشِعَةٌ
அந்நாளில் சில முகங்கள் இழிவுபட்டிருக்கும்.
88:3 عَامِلَةٌ نَّاصِبَةٌ
அவை (தவறான காரியங்களை நல்லவை என கருதி) செயல்பட்டவையும் (அதிலேயே) உறுதியாக நின்றவையுமாகும்.
88:4 تَصْلَىٰ نَارًا حَامِيَةً
கொழுந்து விட்டெறியும் நெருப்பில் அவை புகும்.
88:5 تُسْقَىٰ مِنْ عَيْنٍ آنِيَةٍ
கொதிக்கும் ஊற்றிலிருந்து, (அவர்களுக்கு) நீர் புகட்டப்படும்.
88:6 لَّيْسَ لَهُمْ طَعَامٌ إِلَّا مِن ضَرِيعٍ
அவர்களுக்கு விஷச் செடிகளைத் தவிர, வேறு உணவில்லை.
88:7 لَّا يُسْمِنُ وَلَا يُغْنِي مِن جُوعٍ
அது அவர்களைக் கொழு(த்துச் செழி)க்கவும் வைக்காது, அன்றியும் பசியையும் தணிக்காது.
88:8 وُجُوهٌ يَوْمَئِذٍ نَّاعِمَةٌ
அந்நாளில் சில முகங்கள் செழுமையாக இருக்கும்.
88:9 لِّسَعْيِهَا رَاضِيَةٌ
தம் முயற்சி (நற்பயன் அடைந்தது) பற்றி திருப்தியுடன் இருக்கும்.
88:10 فِي جَنَّةٍ عَالِيَةٍ
உன்னதமான சுவர்க்கச் சோலையில்-
88:11 لَّا تَسْمَعُ فِيهَا لَاغِيَةً
அதில் யாதொரு பயனற்ற சொல்லையும் அவை செவியுறுவதில்லை.
88:12 فِيهَا عَيْنٌ جَارِيَةٌ
அதில் ஓடிக் கொண்டிருக்கும் நீரூற்று உண்டு.
88:13 فِيهَا سُرُرٌ مَّرْفُوعَةٌ
அதில் உயர்ந்த ஆசனங்கள் உண்டு.
88:14 وَأَكْوَابٌ مَّوْضُوعَةٌ
(அருந்தக்) குவளைகளும் வைக்கப் பட்டிருக்கும்.
88:15 وَنَمَارِقُ مَصْفُوفَةٌ
மேலும், அணி அணியாக்கப்பட்டுள்ள திண்டுகளும்-
88:16 وَزَرَابِيُّ مَبْثُوثَةٌ
விரிக்கப்பட்ட உயர்ந்த கம்பளங்களும் உண்டு.
88:17 أَفَلَا يَنظُرُونَ إِلَى الْإِبِلِ كَيْفَ خُلِقَتْ
(நபியே!) ஒட்டகத்தை அவர்கள் கவனிக்க வேண்டாமா? அது எவ்வாறு படைக்கப்பட்டிருக்கிறது என்று-
88:18 وَإِلَى السَّمَاءِ كَيْفَ رُفِعَتْ
மேலும் வானத்தை அது எவ்வாறு உயர்த்தப்பட்டிருக்கிறது? என்றும்,
88:19 وَإِلَى الْجِبَالِ كَيْفَ نُصِبَتْ
இன்னும் மலைகளையும் அவை எப்படி நாட்டப்பட்டிருக்கின்றன? என்றும்,
88:20 وَإِلَى الْأَرْضِ كَيْفَ سُطِحَتْ
இன்னும் பூமி அது எப்படி விரிக்கப்பட்டிருக்கிறது? (என்றும் அவர்கள் கவனிக்க வேண்டாமா?)
88:21 فَذَكِّرْ إِنَّمَا أَنتَ مُذَكِّرٌ
ஆகவே, (நபியே! இவற்றைக் கொண்டு) நீர் நல்லுபதேசம் செய்வீராக, நிச்சயமாக நீர் நல்லுபதேசம் செய்பவர் தாம்.
88:22 لَّسْتَ عَلَيْهِم بِمُصَيْطِرٍ
அவர்கள் மீது பொறுப்புச் சாட்டப்பட்டவர் அல்லர்.
88:23 إِلَّا مَن تَوَلَّىٰ وَكَفَرَ
ஆயினும், எவன் (சத்தியத்தைப்) புறக்கணித்து, மேலும் நிராகரிக்கின்றானோ-
88:24 فَيُعَذِّبُهُ اللَّهُ الْعَذَابَ الْأَكْبَرَ
அவனை அல்லாஹ் மிகப் பெரும் வேதனையைக் கொண்டு வேதனைப்படுத்துவான்.
88:25 إِنَّ إِلَيْنَا إِيَابَهُمْ
நிச்சயமாக, நம்மிடமே அவர்களுடைய மீளுதல் இருக்கிறது.
88:26 ثُمَّ إِنَّ عَلَيْنَا حِسَابَهُم
பின்னர், நிச்சயமாக நம்மிடமே அவர்களைக் கேள்வி கணக்கு கேட்பதும் இருக்கிறது.
