82. Surah Al-Infitar
82:1 إِذَا السَّمَاءُ انفَطَرَتْ
வானம் பிளந்து விடும்போது
82:2 وَإِذَا الْكَوَاكِبُ انتَثَرَتْ
நட்சத்திரங்கள் உதிர்ந்து விழும்போது-
82:3 وَإِذَا الْبِحَارُ فُجِّرَتْ
கடல்கள் (பொங்கி ஒன்றால் ஒன்று) அகற்றப்படும் போது,
82:4 وَإِذَا الْقُبُورُ بُعْثِرَتْ
கப்றுகள் திறக்கப்படும் போது,
82:5 عَلِمَتْ نَفْسٌ مَّا قَدَّمَتْ وَأَخَّرَتْ
ஒவ்வோர் ஆத்மாவும், அது எதை முற்படுத்தி (அனுப்பி) வைத்தது, எதைப் பின்னே விட்டுச் சென்றது என்பதை அறிந்து கொள்ளும்.
82:6 يَا أَيُّهَا الْإِنسَانُ مَا غَرَّكَ بِرَبِّكَ الْكَرِيمِ
மனிதனே! கொடையாளனான சங்கை மிக்க உன் இறைவனுக்கு மாறு செய்யும்படி உன்னை மருட்டி விட்டது எது?
82:7 الَّذِي خَلَقَكَ فَسَوَّاكَ فَعَدَلَكَ
அவன்தான் உன்னைப்படைத்து, உன்னை ஒழுங்குபடுத்தி; உன்னைச் செவ்வையாக்கினான்.
82:8 فِي أَيِّ صُورَةٍ مَّا شَاءَ رَكَّبَكَ
எந்த வடிவத்தில் அவன் விரும்பினானோ (அதில் உன் உறுப்புகளைப்) பொருத்தினான்.
82:9 كَلَّا بَلْ تُكَذِّبُونَ بِالدِّينِ
இவ்வாறிருந்தும் நீங்கள் (கியாம) நாளைப் பொய்ப்பிக்கின்றீர்கள்.
82:10 وَإِنَّ عَلَيْكُمْ لَحَافِظِينَ
நிச்சயமாக, உங்கள் மீது பாது காவலர்கள் (நியமிக்கப்பட்டு) இருக்கின்றனர்.
82:11 كِرَامًا كَاتِبِينَ
(அவர்கள்) கண்ணியம் வாய்ந்த எழுத்தாளர்கள்.
82:12 يَعْلَمُونَ مَا تَفْعَلُونَ
நீங்கள் செய்கிறதை அவர்கள் அறிகிறார்கள்.
82:13 إِنَّ الْأَبْرَارَ لَفِي نَعِيمٍ
நிச்சயமாக நல்லவர்கள் நயீம் என்னும் சுவர்க்கத்தில் இருப்பார்கள்.
82:14 وَإِنَّ الْفُجَّارَ لَفِي جَحِيمٍ
இன்னும், நிச்சயமாக, தீமை செய்தவர்கள் நரகத்தில் இருப்பார்கள்.
82:15 يَصْلَوْنَهَا يَوْمَ الدِّينِ
நியாயத்தீர்ப்பு நாளில் அவர்கள் அதில் பிரவேசிப்பார்கள்.
82:16 وَمَا هُمْ عَنْهَا بِغَائِبِينَ
மேலும், அவர்கள் அதிலிருந்து (தப்பித்து) மறைந்து விட மாட்டார்கள்.
82:17 وَمَا أَدْرَاكَ مَا يَوْمُ الدِّينِ
நியாயத் தீர்ப்பு நாள் என்ன வென்று உமக்கு அறிவிப்பது எது?
82:18 ثُمَّ مَا أَدْرَاكَ مَا يَوْمُ الدِّينِ
பின்னும் - நியாயத் தீர்ப்பு நாள் என்ன என்று உமக்கு அறிவிப்பது எது?
82:19 يَوْمَ لَا تَمْلِكُ نَفْسٌ لِّنَفْسٍ شَيْئًا ۖ وَالْأَمْرُ يَوْمَئِذٍ لِّلَّهِ
அந்நாளில் ஓர் அத்மா பிறிதோர் ஆத்மாவுக்கு எதுவும் செய்ய சக்தி பெறாது, அதிகாரம் முழுவதும் அன்று அல்லாஹ்வுக்கே.
