ಮಕ್ಕಃ ಮಕ್ಕಃವನ್ನು ಬಕ್ಕ (ಹಿಂದಿನ ಮಕ್ಕಃ) ಎಂಬ ಹೆಸರಿನಿಂದಲೂ ಸೂಚಿಸಲಾಗುತ್ತದೆ, ಸೌದಿ ಅರೇಬಿಯಾದಲ್ಲಿ ಭೂಮಿಯ ಮೇಲಿನ ಆರಾಧನೆಯ ಮೊದಲ ಮನೆಯು ಮಾನವರಿಗಾಗಿ ಅಲ್ಲಾಹ್’ನಿಂದ ನೇಮಿಸಲ್ಪಟ್ಟಿತು. ಈ ಮನೆಯು ಕಾಬಾವಾಗಿದ್ದು, ಮುಸ್ಲಿಮರು ಪ್ರಾರ್ಥಿಸುತ್ತಿರುವಾಗ ಅದರೆಡೆಗೆ ತಿರುಗುವರು ಮತ್ತು ಹಜ್ಜ್’ಗೆ (ಯಾತ್ರೆ) ಹೋಗುವರು. ಕೆಂಪು ಸಮುದ್ರದ ತೀರದಲ್ಲಿರುವ ಪಶ್ಚಿಮ ಸೌದಿ ಅರೇಬಿಯಾದ ನಗರ ಮಕ್ಕಃ. ಪೈಗಂಬರ್ ಮುಹಮ್ಮದ್(ಸ) ಜನ್ಮಸ್ಥಳ, ಇದು ಇಸ್ಲಾಂ ಧರ್ಮದಲ್ಲಿನ ಪವಿತ್ರ ನಗರ ಮತ್ತು ಎಲ್ಲ ಭಕ್ತ ನಂಬಿಗರಿಗೆ ಯಾತ್ರಾ ಸ್ಥಳವಾಗಿದೆ. ಮುಂದಿನ ಸೂಕ್ತಿಯು ಖುರ್’ಆನ್’ನಿಂದ ಬಂದಿದೆ: “ಮಾನವರಿಗಾಗಿ (ಸಾಮೂಹಿಕ ಆರಾಧನೆಗೆಂದು) ನಿಗದಿಯಾದ ಪ್ರಥಮ ಭವನವು, ಸಮೃದ್ಧಿ ತುಂಬಿದ ಮಕ್ಕಃದಲ್ಲಿದೆ ಮತ್ತು ಅದು ಲೊಕಕ್ಕೆಲ್ಲಾ ಮಾರ್ಗದರ್ಶಿಯಾಗಿದೆ. ಖುರ್’ಆನ್’ ಅಲಿ ಇಮ್ರಾನ್ : 3 : 96. 'ಮಕ್ಕಃ' ಎಂಬ ಪದವು ಖುರ್’ಆನಿನಲ್ಲಿಯೂ ಉಲ್ಲೇಖಿಸಲಾಗಿದೆ. ಖುರ್’ಆನ್, ಸೂರಹ್ ಫತಹ್ 48:24. ಪರಿಚಯ ಜಿದ್ದಾದಿಂದ ಪೂರ್ವಕ್ಕೆ 73ಕಿಲೋಮೀಟರ್ ದೂರದಲ್ಲಿರುವ ಮಕ್ಕಾ ನಗರ, ಪೈಗಂಬರ್ ಮುಹಮ್ಮದ್(ಸ) ಜನಿಸಿದ ಸ್ಥಳ ಅಲ್ಲಾಹ್’ನ ಸಂದೇಶವು ಮೊದಲು ಅವರಿಗೆ ಅಲ್ಲಿ ಬಹಿರಂಗಪಡಿಸಿದ ಸ್ಥಳ, ಮತ್ತು ಕ್ರಿ ಶ 622ರಲ್ಲಿ ಮದೀನಾಕ್ಕೆ ವಲಸೆ ಬಂದ ನಂತರ ಅವರು ಮತ್ತೆ ಹಿಂದಿರುಗಿದ ನಗರ. ಮಕ್ಕಃನಗರವು ಮುಸ್ಲಿಮರಿಗೆ ಭೂಮಿಯ ಮೇಲೆ ಪವಿತ್ರವಾದ ನಗರವಾಗಿದೆ. ಇದು ಮಕ್ಕಃ ಅಲ್ ಮುಕರ್ರಮಾ ,ಉಮ್ಮ ಅಲ್ ಖುರ (ನಗರಗಳ ಮೂಲ) ಅಲ್ ಬಲದ್ ಅಲ್ ಅಮೀನ್ (ಸಂರಕ್ಷಿತ ನಗರ) ಮತ್ತು ಅಲ್ ಬಲದ್ ಅಲ್ ಹರಮ್ (ಪವಿತ್ರ ನಗರ) ಎಂದೂ ಸಹ ತಿಳಿಯುವುದುಂಟು. ಪ್ರತಿ ದಿನ ಐದು ಬಾರಿ, ವಿಶ್ವದ ಒಂದು ಶತಕೋಟಿಗಿಂತ ಹೆಚ್ಚಿನ ಮುಸ್ಲಿಮರು, ಅವರು ಎಲ್ಲೇ ಇರಲಿ, ಪ್ರಾರ್ಥನೆ ಮಾಡಲು ಪವಿತ್ರ ನಗರ ಮಕ್ಕಾದ ಕಡೆಗೆ ತಿರುಗಿಕೊಳ್ಳುವರು. ಮತ್ತು ಒಮ್ಮೆಯಾದರೂ ಅವರ ಜೀವನದಲ್ಲಿ, ವೈಯಕ್ತಿಕ ಪರಿಸ್ಥಿತಿಯಿಂದ ತಡೆಯಲ್ಪಡದ ಎಲ್ಲಾ ಮುಸ್ಲಿಮರು ಹಜ್ಜ್’ ನಿರ್ವಹಿಸಲು ಮಕ್ಕಾಗೆ ಯಾತ್ರೆ ನಡೆಸುತ್ತಾರೆ. ಹೀಗಾಗಿ ಪ್ರತಿ ವರ್ಷ ಪವಿತ್ರ ನಗರವಾದ ಮಕ್ಕಾಗೆ ಪ್ರಪಂಚದಾದ್ಯಂತದ ಸುಮಾರು ಎರಡು ಮಿಲಿಯನ್ ಹಾಜಿಗಳು (ಹಜ್ಜ್’ಯಾತ್ರಿಕರು) ಅದಕ್ಕೆ ಆತಿಥೇಯವಾಗಿದ್ದಾರೆ. ಮಕ್ಕಾನಗರವು ಪವಿತ್ರ ಮಸೀದಿ ಕಾಬಾವನ್ನು ಹೊಂದಿದೆ, ಅದರ ಮೂಲೆಯಲ್ಲಿ ಕಪ್ಪುಕಲ್ಲನ್ನು ಹೊಂದಿಸಲಾಗಿದೆ ಇದು ಪ್ರತಿ ಹಾಜಿ ಪೂರ್ಣಗೊಳಿಸಬೇಕಾದ ಪವಿತ್ರ ಮಸ್’ಜಿದ್’ನ ಏಳು ಸುತ್ತುಗಳ ಆರಂಭಿಕ ಹಂತವನ್ನು ಗುರುತಿಸುತ್ತದೆ. ಪವಿತ್ರ ನಗರವು ಜಿದ್ದಾದ ಬಂದರು ಮತ್ತು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಸೇವೆಯನ್ನು ಹೊಂದಿದೆ. [1] ಸ್ಥಳ ಮಕ್ಕಃ ಸಮುದ್ರ ಮಟ್ಟದಿಂದ ಸುಮಾರು 277ಮೀಟರ್ (909ಅಡಿ) ನಷ್ಟು ಎತ್ತರದ ಕಣಿವೆಯಲ್ಲಿದೆ, ಸುತ್ತಲೂ ಬಂಜರು, 375ರಿಂದ 766ಮೀಟರ್ (1,000ರಿಂದ 2,490ಅಡಿ) ಎತ್ತರವಿರುವ ಸಿರಾತ್ ಪರ್ವತಗಳ ಶುಷ್ಕ ಬೆಟ್ಟಗಳು ಇವೆ. ಪರ್ವತಗಳಲ್ಲಿ ನಾಲ್ಕು ಅಂತರಗಳಿವೆ, ಅದು ಪವಿತ್ರ ನಗರ ಮಕ್ಕಾಗೆ ಪ್ರವೇಶವನ್ನು ನೀಡುತ್ತವೆ. ಮಿನಾ, ಮುಜ್ದಲಿಫಾ, ಅರಾಫತ್ ಮತ್ತು ತಾಯಿಫ್’ನಿಂದ ಉತ್ತರಕ್ಕೆ ಪ್ರವೇಶವನ್ನು ಒದಗಿಸುತ್ತದೆ. ವಾಯುವ್ಯ ಅಂತರವು ಮದೀನಾದಿಂದ ಪ್ರವೇಶವನ್ನು ಒದಗಿಸುತ್ತದೆ. ಪಶ್ಚಿಮದ ಅಂತರವು ಜಿದ್ದಾದಿಂದ ಪ್ರವೇಶವನ್ನು ನೀಡುತ್ತದೆ. ಮತ್ತು ದಕ್ಷಿಣದ ಅಂತರವು ಯೆಮನ್’ನಿಂದ ಮಕ್ಕಃಗೆ ದಾರಿ ತೆರೆಯುತ್ತದೆ. [2] ಇತಿಹಾಸ ಅದರ ಸುದೀರ್ಘ ಇತಿಹಾಸದಲ್ಲಿ ಮಕ್ಕಃವನ್ನು ಬಕ್ಕಾ ಎಂದೂ ಕರೆಯಲಾಗುತ್ತಿತ್ತು. ಪುರಾತನ ಕಾಲದಲ್ಲಿ, ಮೆಸಪಟೋಮಿಯಾ ಮತ್ತು ಮೆಡಿಟರೇನಿಯನ್ ಜೊತೆ ಪೂರ್ವದ ಮಸಾಲೆ ಉತ್ಪಾದಕರನ್ನು ಸಂಪರ್ಕಿಸುವ ವ್ಯಾಪಾರಿ ಮಾರ್ಗದಲ್ಲಿ ಮಕ್ಕಃವು ಮುಖ್ಯವಾಗಿ ಒಂದು ಗಮನಾರ್ಹವಾದ ವೇದಿಕೆಯಾಗಿತ್ತು. ಮಕ್ಕಃ ಮರಿಬ್’ನ ನಡುದಾರಿಯ ಮಧ್ಯದಲ್ಲಿದೆ, ಷೆಬಾ (ಯೆಮೆನ್) ಮತ್ತು ಪೆಟ್ರಾ (ಜೋರ್ಡಾನ್) ಸಾಮ್ರಾಜ್ಯದ ಪ್ರಮುಖ ರಾಜಧಾನಿಗಳಲ್ಲಿ ಒಂದಾದ, ಕ್ರಿ ಶ 6ನೇ ಶತಮಾನದ ಸುತ್ತಲೂ ನಬಾಟಿಯನ್ ಅರಬ್’ಗಳು ಸ್ಥಾಪಿಸಿದ ನಗರ ಮತ್ತು ಸಿರಿಯಾಕ್ಕೆ ಹರಡುವ ವಾಣಿಜ್ಯ ಆಸಕ್ತಿಗಳೊಂದಿಗೆ ಅಭಿವೃದ್ಧಿ ಹೊಂದುತ್ತಿರುವ ಕೇಂದ್ರವಾಯಿತು. ಇಸ್ಲಾಮಿಕ್ ಕಾಲಕ್ಕೆ ಮುಂಚೆಯೇ ಮಕ್ಕಾದ ಧಾರ್ಮಿಕ ಮಹತ್ವವನ್ನು ಸ್ಥಾಪಿಸಲಾಯಿತು. ಇದೇ ಮಕ್ಕಃದಲ್ಲಿ ಇಬ್ರಾಹೀಮ್’ರವರಿಗೆ(ಅ ಸ) ಹಾಜಿರಾ(ರ ಅ) ಮತ್ತು ಅವರ ಮಗನಾದ ಇಸ್ಮಾಯೀಲ್’ರನ್ನು(ಅ ಸ) ಬಿಡಲು ಆದೇಶಿಸಿದ್ದನು; ಇನ್ನು ನೀರನ್ನು ಹೊರತಂದು ಇಸ್ಮಾಯೀಲ್’ರ ಮತ್ತು ಅವರ ತಾಯಿಯ ಜೀವವನ್ನು ಉಳಿಸಿದ ಹಾಗೂ ನಂತರ ಮಕ್ಕಃವನ್ನು ವಾಸಯೋಗ್ಯ ಸ್ಥಳವಾಗಿ ಬೆಳೆಸಲು ಅವಕಾಶ ನೀಡಿದ ಜಮ್ ಜಮ್ ಬಾವಿ ಮಕ್ಕಃದಲ್ಲಿದೆ. ಅಂತೆಯೇ ಇದು ಮಕ್ಕಃದಲ್ಲಿತ್ತು ಎಂದು ಅಲ್ಲಾಹ್’ನು ಇಬ್ರಾಹೀಮ್’ರನ್ನು "ಅಲ್ಲಾಹ್’ನ ಮನೆ" (ಪವಿತ್ರ ಕಾಬಾ) ನಿರ್ಮಿಸಲು ಸೂಚಿಸಿದನು. ಇದರ ಪರಿಣಾಮವಾಗಿ, ಮುಂಚಿನ ಕಾಲದಿಂದಲೂ, ಮಕ್ಕಃ ಪ್ರಮುಖ ಯಾತ್ರಾ ಸ್ಥಳವಾಗಿ ಮಾರ್ಪಟ್ಟಿತು ಮತ್ತು, ಆದರೂ ಶತಮಾನಗಳವರೆಗೆ ಪೈಗಂಬರ್ ಇಬ್ರಾಹೀಮ್’ರ ಪರಿಶುದ್ಧ ನಂಬಿಕೆ ವಿಗ್ರಹಾರಾಧನೆ ಮತ್ತು ಪೇಗನಿಸಂನಿಂದ ಹೊರತಾಗಿತ್ತು, ಮಕ್ಕಾದ ಪುರುಷರು ಪೂಜಿಸುವ ಸ್ಥಳವಾಗಿ ಪುರುಷರ ಮನಸ್ಸನ್ನು ಹಿಡಿದಿಟ್ಟುಕೊಂಡಿದ್ದರು. ಖುರೈಶ್ ಬುಡಕಟ್ಟು ಜನಾಂಗದ ಮೇಲೆ ಮಕ್ಕಃವು ನಿಯಂತ್ರಣಕ್ಕೆ ಬಂದಾಗ, ಇದು ಒಂದು ಪ್ರಸಿದ್ಧ ವ್ಯಾಪಾರ ಕೇಂದ್ರವಾಗಿತ್ತು, ಯಾತ್ರೆ ಮತ್ತು ಉತ್ಸವಗಳ ಆಚರಣೆಗೆ ಒಂದು ಸ್ಥಳವಾಗಿತ್ತು, ಕವನ ಸ್ಪರ್ಧೆಗಳಿಗೆ ಮುಖ್ಯವಾಗಿ ವಿಗ್ರಹದಾರರ ವಿಪರೀತ ನಡವಳಿಕೆ ಗಮನಾರ್ಹವಾದದ್ದು . ಪೈಗಂಬರ್ ಮುಹಮ್ಮದ್(ಸ)ರು ಕ್ರಿ ಶ 570ರಲ್ಲಿ ಮಕ್ಕಾದಲ್ಲಿಯೇ ಜನಿಸಿದ್ದರು, ಯಾವಾಗ ಅನುಸರಿಸಬೇಕಾಗಿರುವ ಮಾಹಿತಿ (ಖುರ್’ಆನ್) ಅವತೀರ್ಣಗೊಳ್ಳಲಾರಂಭಿಸಿತೊ ಆಗ ಪೈಗಂಬರ್ ಮಹಮ್ಮದ್(ಸ)ರು ಮಕ್ಕಾದ ವಿಗ್ರಹ ಆರಾಧನೆಯನ್ನು ವಿರೋಧಿಸಿದರು ಮತ್ತು ಇಸ್ಲಾಂ ಧರ್ಮದ ಸ್ಥಾಪನೆಯ ಸಂದೇಶವನ್ನು ಹರಡಲು ಪ್ರಾರಂಭಿಸಿದರು, ಆಗ ಮಕ್ಕಃ ನಿವಾಸಿಗಳಿಂದ ನಗರವನ್ನು ತೊರೆಯಲು ಒತ್ತಾಯಿಸಲ್ಪಟ್ಟರು. ಹಾಗಾಗಿ ಅವರು ಮದೀನಾಗೆ ಹೋದರು ಮತ್ತು ಇದು ಅಲ್ಲಾಹ್ ಅವರ ಇಚ್ಛೆಯ ಬಗ್ಗೆ ಹೆಚ್ಚು ಗ್ರಹಿಸುವಂತೆ ಸಾಬೀತಾಯಿತು. ಕ್ರಿಸ್ತ ಶಕ 630ರಲ್ಲಿ, ಪೈಗಂಬರ್ ಮಹಮ್ಮದ್(ಸ)ರು ಮಕ್ಕಃಗೆ ಪುನಃ ಮರಳಿದರು, ಪ್ರತಿರೋಧವಿಲ್ಲದೆ ನಗರವನ್ನು ವಿಗ್ರಹ ಆರಾಧನೆಯ ಎಲ್ಲಾ ಅಂಶಗಳನ್ನು ತೆಗೆದುಹಾಕಿ ಶುದ್ಧೀಕರಿಸಿದರು. ಅವರು ಕಾಬಾದಲ್ಲಿದ್ದ 360ಕ್ಕೂ ಹೆಚ್ಚು "ದೇವರುಗಳನ್ನು” ಅವರು ಕಾಬಾದಿಂದ ತೆರವುಗೊಳಿಸಿದರು, ಏಕೈಕ ಅಲ್ಲಾಹ್’ನ ಶುದ್ಧ ಆರಾಧನೆಗೆ ಕಾಬಾವನ್ನು ಮತ್ತೊಮ್ಮೆ ಅರ್ಪಿಸಿದರು, ಮತ್ತು ಅಲ್ಲಾಹ್’ನು ಎಲ್ಲಾ ಮುಸ್ಲಿಮರಿಗೆ ಮಕ್ಕಃವನ್ನು ಯಾತ್ರಾ ಸ್ಥಳವಾಗಿ ಸ್ಥಾಪಿಸಿದನು. ಆ ಸಮಯದಿಂದ ಮಕ್ಕಃದ ಪವಿತ್ರ ನಗರವು ಮುಸ್ಲಿಂ ಪ್ರಪಂಚದ ಹೃದಯವಾಗಿದೆ. ಇಸ್ಲಾಂ ಧರ್ಮ ಹರಡುವಿಕೆಯು ಮಹತ್ವದ್ದಾಗಿತ್ತು ಮತ್ತು ಬಹುತೇಕ ಭಾಗವು ಸ್ವಾತಂತ್ರ್ಯವನ್ನು ಹೆಚ್ಚಿನ ಮಟ್ಟದಲ್ಲಿ ಉಳಿಸಿಕೊಂಡಿದೆ. ತರುವಾಯ ಅಬ್ಬಾಸಿದ್ ಖಿಲಾಫತ್’ನ ಅಡಿಯಲ್ಲಿ ಮುಸ್ಲಿಂ ಶಕ್ತಿಯ ಸ್ಥಾನವನ್ನು ಡಮಾಸ್ಕಸ್’ಗೆ ಮತ್ತು ಇರಾಕ್’ಗೆ ವರ್ಗಾಯಿಸಿದಾಗ, ಮಕ್ಕಃದ ಪ್ರತಿಯೊಬ್ಬರೂ ಒಪ್ಪಿಕೊಂಡರು. ಕ್ರಿ ಶ 1269ರಲ್ಲಿ, ಈಜಿಪ್ಟ್’ನ ಮಾಮ್ಲುಕ್ ಸುಲ್ತಾನರು ಮಕ್ಕಾದಲ್ಲಿ ತಮ್ಮ ಶಕ್ತಿಯನ್ನು ಸಮರ್ಥಿಸಿದರು. ಮತ್ತು ಕ್ರಿ ಶ 1517ರಲ್ಲಿ, ಕಾನ್ಸ್’ಟಾಂಟಿನೋಪಲ್’ನ ಒಟೊಮಾನ್ನರ ಅಡಿಯಲ್ಲಿ ಟರ್ಕಿಯು ಪವಿತ್ರ ನಗರದ ಮೇಲಿದ್ದಿತು. ಅದೇನೇ ಇದ್ದರೂ, ಈ ಪ್ರದೇಶದ ಅಧಿಕಾರದಲ್ಲಿ ಈ ಮಹಾನ್ ಬದಲಾವಣೆಗಳಾದ್ಯಂತ, ಪೈಗಂಬರ್ ಮುಹಮ್ಮದ್(ಸ)ರ ವಂಶಸ್ಥರು ಮಕ್ಕಃದ ಸ್ಥಳೀಯ ಆಡಳಿತಗಾರರಾಗಿದ್ದರು. ಒಟ್ಟೋಮನ್ ಸಾಮ್ರಾಜ್ಯವು ಮೊದಲ ಜಾಗತಿಕ ಯುದ್ಧದ ಕೊನೆಯಲ್ಲಿ ಕುಸಿದುಬಿದ್ದಾಗ, ಅಬ್ದುಲ್ ಅಜೀಜ್ ಅಲ್ ಸೌದ್ (ಇಬ್ನ್ ಸೌದ್) ಕೇಂದ್ರ ಅರೇಬಿಯಾದಿಂದ ಹೊರಬಂದರು, ಮತ್ತು ನಜ್ದ್ ಇಸ್ಲಾಂ ಧರ್ಮದ ಶುದ್ಧ ರೂಪಕ್ಕೆ ಆಳವಾದ ಬದ್ಧತೆಯನ್ನು ಹೊಂದಿದಾಗ, ಮಕ್ಕಃ ನಿಯಂತ್ರಣವನ್ನು ತೆಗೆದುಕೊಂಡಿತು, ಅವರು ಸ್ಥಾಪಿಸಿದ ಅಧಿಪತ್ಯದ ಪ್ರಮುಖ ಜವಾಬ್ದಾರಿಯಾಗಿ ಪವಿತ್ರ ಸ್ಥಳಗಳ ರಕ್ಷಕನನ್ನು ಸ್ವೀಕರಿಸುತ್ತಾರೆ, ಆಗ ಸೌದಿ ಅರೇಬಿಯಾದ ಆಧುನಿಕ ರಾಜ್ಯ ಇದಾಗುತ್ತದೆ. [3] ಪರಿಸರ ತಾಪಮಾನವು ವರ್ಷದುದ್ದಕ್ಕೂ ಹೆಚ್ಚಾಗಿರುತ್ತದೆ ಮತ್ತು ಬೇಸಿಗೆಯಲ್ಲಿ 40ಡಿಗ್ರಿ ಮಧ್ಯದಲ್ಲಿ ತಲುಪಬಹುದು. ಸಮುದ್ರ ಮಟ್ಟಕ್ಕಿಂತಲೂ ಎತ್ತರದಲ್ಲಿದೆಯಾದರೂ, ಸುತ್ತಮುತ್ತಲಿನ ಬೆಟ್ಟಗಳು ಮತ್ತು ಪರ್ವತಗಳಿಗೆ ಸಂಬಂಧಿಸಿದಂತೆ ಮಕ್ಕಃವು ತಳ ಮಟ್ಟದಲ್ಲಿದೆ. ಇದರ ಪರಿಣಾಮವಾಗಿ, ವರ್ಷದ ಕೆಲವು ಸಮಯಗಳಲ್ಲಿ ಆಕಸ್ಮಿಕ ಪ್ರವಾಹಕ್ಕೆ ಇದು ಒಳಗಾಗುತ್ತದೆ, ಮುಖ್ಯವಾಗಿ ಚಳಿಗಾಲದಲ್ಲಿ ಬಹುವಾಗಿ ಸೀಮಿತ ಮಳೆಯಾಗುತ್ತದೆ. ಇಂದು ನಗರದ ವಿನ್ಯಾಸ ಪವಿತ್ರ ನಗರ ಮಕ್ಕಃದ ಹೃದಯಭಾಗದಲ್ಲಿ ಅಲ್ ಮಸ್ಜಿದ್ ಅಲ್ ಹರಮ್ (ಪವಿತ್ರ ಮಸೀದಿ) ಇದು ಪವಿತ್ರ ಕಾಬಾ (ದೇವರ ಮನೆ) ಮತ್ತು ಜಮ್ ಜಮ್’ನ ಬಾವಿಯನ್ನು ಒಳಗೊಂಡಿದೆ. ನಗರದ ವಿಸ್ತರಣೆ ಪೂರ್ವ ಮತ್ತು ಪಶ್ಚಿಮಕ್ಕೆ ಪರ್ವತಗಳ ನಡುವಿನ ಸ್ಥಳದಿಂದ ನಿರ್ಬಂಧಿಸಲ್ಪಟ್ಟಿದೆ. ಹಳೆಯ ನಗರವು ಉತ್ತರ ಮತ್ತು ನೈರುತ್ಯಕ್ಕೆ ನೆಲೆಸಿದೆ. ಕಳೆದ ಐವತ್ತು ವರ್ಷಗಳಲ್ಲಿ, ನಗರವನ್ನು ಮಿನಾ, ಜಿದ್ದಾ ಮತ್ತು ಮದೀನಾಗಳಿಗೆ ವಿಸ್ತರಿಸುವ ಮೂಲಕ ಮತ್ತಷ್ಟು ಹಿಗ್ಗುವಿಕೆ ಕಂಡುಬಂದಿದೆ. ನಗರವನ್ನು ಹೊಸ ರಸ್ತೆ ಜಾಲಗಳೊಂದಿಗೆ ಆಧುನೀಕರಿಸಲಾಗಿದೆ ಅದೇ ಸಮಯದಲ್ಲಿ, ಹಳೆಯ ನಗರದ ಭಾಗಗಳನ್ನು ಪವಿತ್ರ ಮಸೀದಿಯ ಮತ್ತಷ್ಟು ವಿಸ್ತರಣೆಗೆ ಅನುಮತಿಸಲು ನೆಲಸಮ ಮಾಡಲಾಗಿದೆ. ಇದು ಈಗ 1.7ದಶಲಕ್ಷ ಚದರ ಮೀಟರ್’ಗಳನ್ನು ಆಕ್ರಮಿಸಿದೆ ಮತ್ತು 300,000ಜನರಿಗೆ ಒಂದೇ ಸಮಯದಲ್ಲಿ ಅವಕಾಶ ಕಲ್ಪಿಸುತ್ತದೆ. ಮಕ್ಕಃದ ಐತಿಹಾಸಿಕ ತಾಣಗಳು o ಅಲ್ ತನೀಮ್ (ಮಸ್’ಜಿದ್ ಎ ಆಯೆಶಾ) ಇದು "ಅಲ್ ಹಿಲ್’ನಲ್ಲಿ ಮಕ್ಕಃ ಮತ್ತು ಮದೀನಾ ನಡುವೆ ಪವಿತ್ರ ಕಾಬಾದಿಂದ ನಾಲ್ಕು ಮೈಲಿ ದೂರದಲ್ಲಿದೆ. o ಅರಫಾತ್ ಇದು ಮಕ್ಕಃದಿಂದ ಸುಮಾರು 25ಕಿಲೋಮೀಟರ್ ದೂರದಲ್ಲಿದೆ. ಸೂರ್ಯಾಸ್ತದ ತನಕ ಜುಲ್-ಹಿಜ್ಜಾದ 9ನೇ ದಿನದಂದು ಯಾತ್ರಿಕರು ಅದರ ಬಳಿಗೆ ಹೋಗುತ್ತಾರೆ ಮತ್ತು ನಂತರ ಅವರು ಮುಜ್’ದಲಿಫಾಗೆ ಹೋಗುತ್ತಾರೆ. o ಮಿನಾ ಇದು ಅಲ್ ಹರಮ್ ಮಸೀದಿಯಿಂದ ಐದು ಕಿಲೋಮೀಟರ್ ದೂರದಲ್ಲಿರುವ ಮಕ್ಕಾದ ಪೂರ್ವಕ್ಕೆ ಎರಡು ಪರ್ವತಗಳ ನಡುವೆ ನೆಲೆಗೊಂಡಿದೆ. o ಮುಜ್’ದಲಿಫಾ ಅರಫಾತ್’ನಲ್ಲಿ ನಿಂತ ನಂತರ ಹೋಗಿರುವ ಜನರು ಮಿನಾ ಮತ್ತು ಅರಫಾತ್ ನಡುವಿನ ಸ್ಥಳವಾಗಿದೆ. o ಮಸ್’ಜಿದ್ ಎ ಮಶ್ರ್ ಅಲ್ ಹರಮ್ ಇದನ್ನು ಕ್ವಾಝೆ ಎಂದು ಕರೆಯಲಾಗುತ್ತದೆ ಮತ್ತು ಮುಹಮ್ಮದ್(ಸ) ತನ್ನ ಧರ್ಮೋಪದೇಶವನ್ನು ನೀಡಿದ ಸ್ಥಳವಾಗಿದೆ, ಅದು ಅನುಸರಿಸಬೇಕಾದ ಬಾಧ್ಯತೆಯಾಗಿದೆ. o ಮುಹಮ್ಮದ್(ಸ)ರ ಜನ್ಮ ಸ್ಥಳ ಅಲ್ಲಾಹ್’ನ ಧರ್ಮ ಪ್ರಚಾರಕನು ಹುಟ್ಟಿದ ಮನೆ ಅಲ್ ಹರಮ್ ಮಸೀದಿಗೆ ಸಮೀಪದಲ್ಲಿದೆ. ಇದು ಮುಖ್ಯ ಮಸೀದಿಯಿಂದ 5ರಿಂದ 6ನಿಮಿಷಗಳಲ್ಲಿ ನಡೆಯುವಷ್ಟು ದೂರದಲ್ಲಿದೆ. o ಅಲ್ ಮುಅಲ್ಲಾ ಇದು ಮಕ್ಕಃ ಜನರ ಸ್ಮಶಾನವಾಗಿದೆ. ಇದು ಮಿನಾ ದಾರಿಯಲ್ಲಿದೆ. ಉಮ್ಮುಲ್ ಮೊಮಿನೀನ್ ಬೀಬಿ ಖದಿಜಾ (ಪೈಗಂಬರ್(ಸ)ರ ಮೊದಲ ಹೆಂಡತಿ) ಸಮಾಧಿ ಮತ್ತು ಪೈಗಂಬರ್(ಸ)ರ ಮಗ ಖಾಸಿಮ್, ಅಸ್ಮ ಬಿನ್’ತೆ ಅಬು ಬಕರ್, ಅಬ್ದುಲ್ಲಾ ಬಿನ್ ಜುಬೇರ್(ಇವರೆಲ್ಲರ ಮೇಲೆ ಶಾಂತಿಯಿರಲಿ) ಮತ್ತು ಅಬು ತಾಲಿಬ್, ಅಬ್ದ್ ಮನಾಫ್, ಅಬ್ದುಲ್ ಮುತಾಲಿಬ್ ಮುಂತಾದ ಪೈಗಂಬರ್(ಸ)ರ ಕುಟುಂಬದ ಇತರ ಸದಸ್ಯರು ಈ ಸ್ಮಶಾನದಲ್ಲಿದ್ದಾರೆ. ಅಲ್ ಮುಅಲ್ಲಾ ಅಲ್ ಹರಮ್ ಮಸೀದಿ ಬಳಿ ಇದೆ. o ತೂರ್ ಪರ್ವತ ಮಕ್ಕಃದಲ್ಲಿನ ಅತ್ಯಂತ ಗಮನಾರ್ಹವಾದ ಐತಿಹಾಸಿಕ ಸ್ಥಳಗಳಲ್ಲಿ ಒಂದು ಪರ್ವತ. ಇದು ತೂರ್ ಗುಹೆಯನ್ನು ಒಳಗೊಂಡಿದೆ, ಅಲ್ಲಿ ಅಲ್ಲಾಹ್’ನ ಧರ್ಮ ಪ್ರಚಾರಕ ಮತ್ತು ಅವನ ಜೊತೆಗಾರ, ಅಲ್ ಸಿದ್ದೀಖ್, ಮಕ್ಕಃದವರ ಕಿರುಕುಳವನ್ನು ತಪ್ಪಿಸಿ ಮದೀನಾಕ್ಕೆ ತಲುಪುವ ಮೊದಲು ಇಲ್ಲಿ ಮೂರು ದಿನಗಳನ್ನು ಕಳೆದಿದ್ದರು, ಈ ಪರ್ವತವು ಮಕ್ಕಃದ ದಕ್ಷಿಣ ತುದಿಯಲ್ಲಿದೆ ಮತ್ತು ಸಮುದ್ರ ಮಟ್ಟಕ್ಕಿಂತ 760ಮೀಟರ್ ಎತ್ತರದಲ್ಲಿದೆ. o ಅಲ್ ನೂರ್ ಪರ್ವತ ಇದು ತೂರ್ ಪರ್ವತದ ಈಶಾನ್ಯ ಮಕ್ಕಾದ ಪೂರ್ವ ಅಂಚಿನಲ್ಲಿದೆ. ಅಲ್ ನೂರ್’ನಲ್ಲಿ ಅಥವ "ಪ್ರಕಾಶ" ಎಂಬಲ್ಲಿ ಹಿರಾಹ್ ಗುಹೆ ಇರುತ್ತದೆ, ಅಲ್ಲಿ ಅಲ್ಲಾಹ್’ನ ದೂತನು ಪ್ರಕಾಶಿಸಿದನು ಮತ್ತು ಅವನು ಅಲ್ಲಾಹ್’ನ ಸಂದೇಶವಾಹಕನಾಗುವ ಮೊದಲು ಅಲ್ಲಿಯೇ ಪ್ರಾರ್ಥಿಸುತ್ತಿದ್ದನು. ಮುಹಮ್ಮದ್(ಸ) ದೇವದೂತ ಜಿಬ್ರಯೀಲ್ ಮೂಲಕ ತಮ್ಮ ಮೊದಲ ಅವತೀರ್ಣವನ್ನು ಬಹಿರಂಗಪಡಿಸುವಿಕೆಯನ್ನು ಪಡೆದಿದ್ದ ಸ್ಥಳ ಕೂಡ ಹೀರಾ ಗುಹೆ ಇದರಲ್ಲಿದೆ. o ಅಲ್ ಜಾರನಹ್ ಮಸ್’ಜಿದ್ ಇದು ನಗರದ ಉತ್ತರ ಭಾಗದಲ್ಲಿಯೇ ಇದೆ. ಇದು ಹಜ್ಜ್’ನ್ನು ನಿರ್ವಹಿಸಲು ಮಕ್ಕಃಗೆ ಪ್ರಯಾಣಿಸುವ ಮೊದಲು ಯಾತ್ರಾರ್ಥಿಯ ಉಡುಪನ್ನು ಅಲ್ಲಾಹ್’ನ ಧರ್ಮ ಪ್ರಚಾರಕನು ಧರಿಸಿದ್ದ ಸ್ಥಳವಾಗಿದೆ. ಎರಡು ಕುಡಿಯುವ ನೀರಿನ ಬಾವಿಗಳು, ಪೈಗಂಬರ್’ಗಳ ಬಾವಿ ಎಂದು ಕರೆಯಲ್ಪಡುತ್ತಿದ್ದವು, ಈ ಸ್ಥಳದಲ್ಲಿವೆ ಮತ್ತು ಸುಮಾರು 10ಮೀಟರ್ ಅಂತರದಲ್ಲಿವೆ. ಹಲವಾರು ಖರ್ಜೂರದ ಮರಗಳು ಈ ತಾಣದಲ್ಲಿದೆ ಮತ್ತು ಅಲ್ ಜಾರಾನಾ ಮಸೀದಿಯ ಮೇಲಿರುವ ಸಮೀಪದ ಪರ್ವತವು ಪೈಗಂಬರರ ಒಡನಾಡಿಯಾದ ಬಿಲಾಲ್ ಬಿನ್ ರಬಾಹ್ ಪ್ರಾರ್ಥನೆಗೆ ಕರೆದೊಯ್ಯುವ ಸ್ಥಳವಾಗಿದೆ. [4] ಮಸ್’ಜಿದ್ ಅಲ್-ಹರಮ್’ಗೆ ಜೋಡಿಸಲಾದ ಸ್ಥಳಗಳು o ಕಾಬಾ (ಬೈತುಲ್ಲಾಹ್) ಇದು ಸ್ವಲ್ಪ ಘನ ರಚನೆಯಾಗಿದ್ದು, ಇದನ್ನು ಪೈಗಂಬರ್ ಇಬ್ರಾಹೀಮ್(ಅ ಸ) ಮತ್ತು ಇಸ್ಮಾಯಿಲ್(ಅ ಸ) ಅವರು ದೈವಾಜ್ಞೆಯಿಂದ ನಿರ್ಮಿಸಿದರು. ಅಂದಿನಿಂದ ಇದು ಎಲ್ಲಾ ಮಾನವಕುಲದ ಮಾರ್ಗದರ್ಶನ ಮತ್ತು ಶಾಂತಿ ಮತ್ತು ಅನುಗ್ರಹದ ಮೂಲವಾಗಿದೆ ಮತ್ತು ಭಕ್ತರು ಅತ್ಯಂತ ಉತ್ಸಾಹ ಮತ್ತು ಭಕ್ತಿಯಿಂದ ಅದರ ಸುತ್ತ ಸುತ್ತುತ್ತಾರೆ. ಕಾಬಾದಲ್ಲಿ ನೆಲೆಸಿರುವ ಮಸ್’ಜಿದ್’ನ್ನು ಮಸ್’ಜಿದ್ ಅಲ್-ಹರಮ್ ಎಂದು ಕರೆಯಲ್ಪಡುತ್ತದೆ. o ಕಾಬಾದ ವಿವಿಧ ಮೂಲೆಗಳು ರುಕ್ನ್ ಯಮನಿ ಎಂಬುದು ನೈಋತ್ಯ ದಿಕ್ಕಿನ ಯಮನ್ ದಿಕ್ಕಿನಲ್ಲಿದೆ ಮತ್ತು ಇದು ಅತ್ಯಂತ ಪವಿತ್ರವಾಗಿದೆ. ಆದರಣೀಯ ಪೈಗಂಬರ್ (ಶಾಂತಿ ಅವರ ಮೇಲೆ) ಹೇಳಿದ್ದಾರೆ: "ರುಕ್ನ್ ಯಮನಿ ಮತ್ತು ಹಜ್ರ್-ಎ-ಅಸ್ವಾದ್’ನ್ನು ಮುಟ್ಟುವವನ ಪಾಪಗಳನ್ನು ಮತ್ತು ದೋಶಗಳನ್ನು ತೆಗೆದುಹಾಕಲಾಗಿದೆ”. (ಅಲ್ ತರ್ಗೀಬ್) ಇರಾಕಿನ ದಿಕ್ಕಿನ ಕಡೆಗೆ ರುಕ್ನ್ ಇರಾಕಿ ಮೂಲವಾಗಿದೆ. ರುಕ್ನ್ ಶಾಮಿ ಸಿರಿಯಾದ ದಿಕ್ಕಿನ ಕಡೆಗೆ ಮೂಲವಾಗಿದೆ ಹಜ್ರ್-ಎ-ಅಸ್ವಾದ್: ಕಾಬಾದ ಪೂರ್ವ ಮೂಲೆಯಲ್ಲಿ ಎದೆಯ ಎತ್ತರಕ್ಕೆ ಸರಿಪಡಿಸಿರುವ ಪವಿತ್ರ ಕಪ್ಪು ಕಲ್ಲು ಮೂಲತಃ ಅಲ್ಲಿ ಪೈಗಂಬರ್ ಇಬ್ರಾಹೀಮರಿಂದ ಇರಿಸಲ್ಪಟ್ಟಿದೆ. ಕಪ್ಪು ಕಲ್ಲಿನ ಕಡೆಗೆ ಚುಂಬನ ಅಥವ ಸ್ಪರ್ಶಿಸುವುದು ಅಥವ ತೋರಿಸುವ ಮೂಲಕ ತವಾಫ್ ಅನ್ನು ಪ್ರಾರಂಭಿಸಲಾಗುತ್ತದೆ ಮತ್ತು ಏಳು ಪ್ರದಕ್ಷಿಣಾ ಸುತ್ತುಗಳು ನಂತರ ಅದರಲ್ಲಿ ಪೂರ್ಣಗೊಂಡಿದೆ. o ಮತಫ್ ಇದು ವಿಶಾಲವಾದ, ತೆರೆದ ಪಾದಚಾರಿ, ಅಂಡಾಕಾರದ ಆಕಾರ, ಕಾಬಾ ಮತ್ತು ಹತೀಮ್ ಸುತ್ತಲೂ, ಪ್ರಾರ್ಥನಾ ಸಮಯವನ್ನು ಹೊರತುಪಡಿಸಿ ಭಕ್ತರು ತಾವಾಫ್ ಅನ್ನು ಅತ್ಯಂತ ಭಕ್ತಿ ಮತ್ತು ಉತ್ಸಾಹದಿಂದ ಹಗಲು ಮತ್ತು ರಾತ್ರಿಗಳೆರಡರಲ್ಲೂ ನಿರ್ವಹಿಸುತ್ತಾರೆ. o ಮಖಾಮ್ ಇಬ್ರಾಹೀಮ್ (ಇಬ್ರಾಹೀಮ್ ನಿಲ್ದಾಣ) ಕಾಬಾದ ಈಶಾನ್ಯಕ್ಕೆ, ಅದರ ಬಾಗಿಲಿನಿಂದ ಸ್ವಲ್ಪ ದೂರದಲ್ಲಿದೆ, ಪೈಗಂಬರ್ ಇಬ್ರಾಹೀಮರ ಪಾದ-ಗುರುತುಗಳ ಗುರುತುಗಳನ್ನು ಹೊಂದಿರುವ ಪವಿತ್ರ ಕಲ್ಲು ಹೊಂದಿರುವ ಗಾಜು ಮತ್ತು ಲೋಹದ ರಚನೆ ನಿಂತಿದೆ ಇದರಲ್ಲಿ ಅವರು ಕಾಬಾ ನಿರ್ಮಾಣದ ಸಮಯದಲ್ಲಿ ಇಲ್ಲಿ ನಿಂತಿದ್ದರು. o ಜಮ್ ಜಮ್ ಕಾಬಾದ ಪೂರ್ವದಲ್ಲಿರುವ ಜಮ್ ಜಮ್ ಐತಿಹಾಸಿಕ ಮಹತ್ವದ್ದಾಗಿದೆ, ಇದು ಮಕ್ಕಃ ಅರಣ್ಯದ ಹಂತದಲ್ಲಿರುವಾಗ ಪೈಗಂಬರ್ ಇಸ್ಮಾಯೀಲ್ ಮತ್ತು ಅವನ ತಾಯಿಯ ಪೋಷಣೆಗಾಗಿ ಅಲ್ಲಾಹ್’ನಿಂದ ಒದಗಿಸಲ್ಪಟ್ಟಿತು. ಜಮ್ ಜಮ್ ನೀರು ಮಹತ್ತರವಾದ ಗುಣಗಳು ಮತ್ತು ಪ್ರಯೋಜನಗಳನ್ನು ಹೊಂದಿದೆ, ಜಮ್ ಜಮ್ ನೀರನ್ನು ಭಕ್ತರನ್ನು ತುಂಬಲು ಮತ್ತು ಕುಡಿಯಲು ಒತ್ತಾಯಿಸಿದ್ದಾರೆ, ಏಕೆಂದರೆ ಇದು ಹಸಿದವರಿಗೆ ಮತ್ತು ರೋಗಿಗಳಿಗೆ ಗುಣಪಡಿಸುವ ಆಹಾರವಾಗಿದೆ. o ಸಫಾ ಮತ್ತು ಮರ್’ವಾ ಸಫವು ಕಾಬಾದ ದಕ್ಷಿಣಕ್ಕೆ ಒಂದು ಬೆಟ್ಟವಾಗಿದ್ದು, ಈಗ ಅದನ್ನು ಕೆಳಕ್ಕೆ ಇಳಿಸಲಾಗಿದೆ ಮತ್ತು ಸಂಕೇತವಾಗಿ ಮಾತ್ರ ಉಳಿದಿದೆ. ಇದಕ್ಕೆ ವಿರುದ್ಧವಾಗಿ, ಕಾಬಾದ ಉತ್ತರದ ಕಡೆಗೆ, ಮರ್ವಾ ಬೆಟ್ಟವಿದೆ. ಈ ಎರಡು ಸ್ಥಳಗಳ ನಡುವೆ ಸ'ಯಿಯನ್ನು ಪ್ರಮುಖ ಹಜ್ಜ್ ಮತ್ತು ಉಮ್ರಾಃ ವಿಧಿಯೆಂದು ನಿರೂಪಿಸಲಾಗಿದೆ. [5] ಉಲ್ಲೇಖಗಳು [1] http://www.hajinformation.com/main/h10.htm [2] http://www.hajinformation.com/main/h101.htm [3] http://www.hajinformation.com/main/h103.htm [4] http://www.go-makkah.com/english/dossier/articles/159/Historical+Sites+of+Mecca.html [5] http://www.hajjumrahguide.com/places.html | 